Buxoro shahar 1-son bolalar musiqa va san`at maktabi

Maktabimizning faol hayotidan lavhalar

2026-yil 30-aprel kuni Buxoro shahar 1-son BMSMda O'zbekiston Davlat konservatoriyasining fakultetlararo fortepiano ijrochiligi kafedrasi, pedagogika fanlari doktori, professor Djamalova D.A. "Maxsus fortepiano" yo'nalishi bo'yicha ijodiy kecha va mahorat darsi o'tkazdi. Uning yuqori professionalligi, pedagogik mahorati va o'quvchilarga nisbatan samimiy yondashuvi ishtirokchilar va tinglovchilarda chuqur taassurot qoldirdi. Asar dinamikasi, frazalar va ovoz chiqarish bo'yicha qimmatli metodik tavsiyalari o'qituvchilarimizning kasbiy rivojlanishiga muhim hissa bo'ldi. O'quvchilarimiz o'z asarlarini ijro etishdan zavqlanishdi, texnik qiyinchiliklar va badiiy ifoda ustida ishlash bo'yicha qimmatli maslahatlar olishdi. Buxoro 1-son BMSM ma'muriyati D.A.Djamalovaga yosh avlodning madaniy, ma'naviy va estetik darajasini rivojlantirishga qo'shgan hissasi, an'anaviy qadriyatlarni, ijodkorlikni va o'z ishiga muhabbatni targ'ib qilishga qaratilgan loyihalarni amalga oshirishga qo'shgan hissasi uchun minnatdorchilik bildiradi.

2026-yil 1-may kuni Buxoro shahar 1-son BMSMga Toshkent shahar 15-son BMSMdan tashrif buyurgan ustozlar tomonidan tasviriy va amaliy san’at yo‘nalishida mahorat darslari o‘tkazildi. Mahorat darslari quyidagi mavzularda bo'ldi: 1.Kollaj texnikasida "Gullar natyurmorti" O'qituvchi: Inoyatova Muyassar Narimanovna. 2.Valyaniya uslubida hajmli kompozitsiya "Qushlar" O'qituvchi: Dosanova Rixsixon Shuxrat qizi 3.Nam qog'oz yuzasida akvarel bilan manzara ishlash " Kun botishi" O'qituvchi: Musayeva Surayyo Narimanovna Mashg‘ulot davomida o‘quvchilar yangi uslublar, texnikalar va ijodiy yondashuvlar bilan tanishdilar. Ustozlarning qimmatli tavsiyalari yosh rassomlarimiz uchun katta tajriba va ilhom manbai bo‘ldi. Bunday mahorat darslari o‘quvchilarimizning bilim va ko‘nikmalarini yanada boyitib, ijodiy rivojiga katta hissa qo‘shadi. Tashrif davomida Buxoro shahar 1-son BMSM va Toshkent shahar 15-son BMSMlar o'rtasida Memorandum imzolanib, kelajakda o'zaro tajriba almashishga, yoshlarning madaniy va ma'naviy darajasini rivojlantirishga qaratilgan loyihalarni hamkorlikda amalga oshirishga kelishildi.